देवीची आरती
कोल्हापुरी देवी तूं रहिवास केला ।
मातुनि दैत्यदानव धर्म स्थापीला ॥
देवा सुरवरां आनंद जाहला ।
सकळहि मिळुनी येती तुझ्या भेटीला ॥ १ ॥
जय देवी जय देवी जय महालक्ष्मी ।
आरती ओंवाळूं शरण आहें मी ॥ धृ. ॥
चौसष्ट योगिनी रात्री सेवेसी ।
अडसष्ट तीर्थे तीं आली महिमेसी ॥
मानव सकळिक येती तेथें स्नानासीं ।
त्यांची सकळहि पापें जातीं भंगासी ॥ जय देवी. ॥ २ ॥
अवतार पूर्ण तो धरिला देवीनें ।
त्रिकाळ पूजा अर्चन होत सन्मानें ॥
पृथ्वीवरी वार्ता गेली महिमेने ॥
कृष्णसुत चरण धरितो भावानें ॥ जय देवी. ॥ ३ ॥
Translation - भाषांतर
N/A